Սիրիական Հալեպի քրիստոնեական թաղամասերի դպրոցներում դասերը դադարեցվել են ահաբեկիչների կողմից ինտենսիվ գնդակոծությունների պատճառով: Այդ մասին հայտարարել է Սուլեյմանիե թաղամասի դպրոցներից մեկի տնօրեն միանձնուհի Հայաթը, հայտնում է ՌԻԱ Նովոստին:

«Ահաբեկիչներն արդեն առաջին անգամը չէ, որ գնդակոծում են դպրոցները: Հոկտեմբերի 13-ի ողբերգությունից հետո քրիստոնեական թաղամասերի բոլոր դպրոցները որոշվեց ժամանակավորապես փակել»,-ասել է նա: Մահմեդական թաղամասերում դպրոցներն ուրբաթ օրերին փակ են լինում:

Հոկտեմբերի 13-ին հրթիռակոծվել է հայաշատ Սուլեյմանիե թաղամասի դրոցներից մեկը, ինչի հետևանքով 7 երեխա է զոհվել, տասնյակ վիրավորներ կան: Հալեպի հայկական թաղամասերում իրավիճակը շարունակում է մնալ լարված: Հոկտեմբերի 5-ին Հալեպի Նոր Գյուղ հայաշատ թաղամասի ռմբակոծման հետևանքով երկու հայ է զոհվել, ևս մեկը վիրավորվել է:

Սեպտեմբերի 30-ի առավոտյան տեղի ունեցած ուժգին հրթիռակոծության հետևանքով Հալեպում զոհվել էր հինգ հայ, ութը վիրավորվել էին:Հրթիռակոծութվել էին Հալեպի Նոր Գյուղ և Վիլլաներ թաղամասերը: