Ադրբեջանը պետք է որոշի, թե ինչ փոխզիջումների է ինքը պատրաստ
«Քանի դեռ Ադրբեջանը չի որոշակիացրել, թե կոնկրետ ինչ է ենթադրում փոխզիջման տակ, առաջընթաց բանակցություններում չի լինի»,-այդ մասին Երեւանում կայացած մամլո ասուլիսում հայտարարել է ՀՀ ԱԺ փոխխոսնակ, ՀՅԴ բյուրոյի անդամ Վահան Հովհաննիսյանը: Նրա կարծիքով, տվյալ դեպքում իրավիճակը նման է հայ-թուրքական հարաբերություններին: Սակայն չէ որ մենք չենք փակել սահմանը, դե թող Թուրքիան էլ բացի: Չէ որ մենք չենք սկսել պատերազմը Ղարաբաղում, Բաքուն է սկսել, թող հիմա պատասխան տա` թե ինչ տեսակի փոխզիջումների է պատրաստ Ադրբեջանը եւ պատրաստ է արդյոք նստել բանակցությունների սեղանի շուրջ Լեռնային Ղարաբաղի ներկայացուցիչների հետ: Հայկական կողմից զիջում կլինի արդեն այն, որ համաձայնագրի ստորագրման դեպքում, Հայաստանը չի սկսի ռազմական գործողություններ»,-ընդգծել է ՀՀ ԱԺ փոխխոսնակը:
