Երևանում 2016-ին հիմնանորոգվել ու նոր գույքով է ապահովվել համայնքային ենթակայության 7 մարզադպրոց, 2013-2016-ին` ընդհանուր թվով 32 մարզադպրոց:
Մոտ 25 տարի մարզադպրոցներին նոր գույք չէր տրամադրվել:
Նորք-Մարաշ և Քանաքեռ-Զեյթուն վարչական շրջաններում ընթացիկ տարում բացվել են նաև շախմատի մանկապատանեկան մարզադպրոցներ: Այդպիսով, բոլոր վարչական շրջաններն ունեցան շախմատի իրենց մարզօջախները, տեղեկացնում է քաղաքապետարանը:
Երևանի քաղաքապետարանի շինբարեկարգման տարեկան ծրագրերով մարզադպրոցների նորոգոման ու անհրաժեշտ գույքի տրամադրման աշխատանքները կշարունակվեն հաջորդ ու առաջիկա տարիներին:
Երևանի քաղաքապետարանի նախաձեռնությամբ 2013-ին մեկնարկել էր համայնքային ենթակայության մարզօջախները նորոգելու և համապատասխան գույքով ապահովելու ծրագիրը:
Քաղաքապետարանի շինբարեկարգման տարեկան ծրագրով մարզական համալիրների նորոգման գործընթացում ներառվել են ներքին հարդարման, դռների ու պատուհանների նորերով փոխարինման, տանիքների նորոգման, օդափոխության, ջրամատակարարման համակարգերի տեղադրման, սանհանգույցների հիմնանորոգման և կահավորման աշխատանքները:
