Արցախի ոստիկանապետը հրաժարական է տվել
Արցախի Հանրապետության Ոստիկանության պետ Կամո Աղաջանյանը հրաժարականի դիմում է ներկայացրել։
«Վերջին շրջանում առաջացած բողոքի ալիքը խորհելու առիթ տվեց բոլորիս ու մտահոգությանս պատճառը իմ հրաժարականի պահանջը չէր միայն¸ այլև երկրի ներքին անվտանգությունը չխաթարելու և ներքաղաքական սրացումներից զերծ մնալու նպատակը»,- մասնավորապես, գրել է նա տարածած հայտարարությունում։
Նա նշել է, որ հրաժարականի դիմում է ներկայացնում՝ հաշվի առնելով համապատասխան պահանջը հասարակությունում։
Աղաջանյանի հրաժարականն, ի թիվս այլ ուժայինների հեռացման, պահանջում էին հունիսի 1-ին Ստեփանակերում տեղի ԱԱԾ աշխատակիցների ու քաղաքացիականների մասնակցությամբ կռվից հետո բողոքող ցուցարարները։
Հունիսի 6-ին հրաժարականի դիմում էր ներկայացրել Արցախի պետնախարար Արայիկ Հարությունյանը։
