  Հովհաննիսյան. Տոնոյանը չի խոսել ՌԴ սահմանապահ զորքերի կարգավիճակի վերանայման մասին 23 հուլիսի 2018 - 11:30 AMT PanARMENIAN.Net - ՀՀ ՊՆ մամուլի քարտուղար Արծրուն Հովհաննիսյանը հերքել է որոշ ԶԼՄ-ների տարածած այն տեղեկությունը, թե իբր ՀՀ-ն մտադիր է վերանայել երկրում ռուսական սահմանապահ զորքերի տեղակայման մասին պայմանագրի որոշ դրույթներ: Այդ մասին նա գրառում է արել իր ֆեյսբուքյան էջում՝ նշելով, որ խոսքը պայմանագրերի որոշ կետերի թարմացման մասին է: Նա հավելել է նաև, որ Փանիկում ՀՀ ՊՆ ղեկավար Դավիթ Տոնոյանին ուղղված հարցում և պատասխանի մեջ որևէ «սահմանապահ բառ չկա և չկա որևէ վերանայել բառ»: «Նախարարը նկատի ուներ 102-րդ ռուսական ռազմակայանի թեման և խոսել է ոչ թե վերանայման, այլ ընդամենն այդ համաձայնագրի տեխնիկական կետերի լրացման մասին: Սահմանապահ զորքերի մասին խոսք ընդհանրապես չի եղել»,-ասել է Հովհաննիսյանը ՌԻԱ Նովոստի գործակալությանը: Ավելի վաղ որոշ ԶԼՄ-ներ հայտնել էին, թե իբր պաշտպանության նախարար Դավիթ Տոնոյանը, խոսելով, հնարավոր պայմանագրաիրավային շտկումների մասին, իբր չի բացառել, որ ՀՀ-ում տեղակայված ՌԴ սահմանապահ զորքերի կարգավիճակի մասին որոշ դրույթներ կարող են վերանայվել: Թուրքիայի և Իրանի հետ ՀՀ պետական սահմանի պահպանության համակարգը լիովին պահպանվել է ԽՍՀՄ ժամանակներից: ՌԴ ԱԴԾ սահմանապահ վարչությունը ՀՀ-ում 4 սահմանապահ ջոկատ ունի՝ Գյումրիում, Արմավիրում, Արտաշատում և Մեղրիում, ինչպես նաև առանձին հսկիչ անցակետ Երևանի «Զվարթնոց» օդանավակայանում: Սահմանապահների ընդհանուր թիվը մոտ 4500 է:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
