Եվրախորհրդարանը հավանություն է տվել առաջարկությանը, որով Եվրահանձնաժողովը հանդես էր եկել 2018-ին՝ 2021-ից սկսած հրաժարվել կես տարին մեկ ամառային և ձմեռային ժամանակի անցնելուց:

Ըստ հարցման, եվրոպացիների 80 տոկոսից ավելին ցանկանում է ամբողջ տարին նույն ժամանակով ապրել (ենթադրաբար՝ ամառային): Համարվում էր, որ անցումն ամառային և ձմեռային ժամանակի, երբ ժամացույցի սլաքը մեկ ժամով առաջ կամ հետ էր տարվում, նվազեցնում է էլեկտրականության ծախսերը: Սակայն, ըստ հետազոտության, որն անցակցվել է 2017-ին Եվրախորհրդարանի պատվերով, տնտեսումը կազմում է մոտ 0,5%-2,5%: Իսկ ժամացույցի սլաքը փոխելու օրերին մարդիկ վատ են զգում, ավելանում է վթարների քանակը, գրում է ՌԻԱ Նովոստին:

Ամառային ժամանակն ամրագրելու վերաբերյալ վերջնական որոշում կայացնելու համար անհրաժեշտ է ԵՄ անդամ երկրների հավանությունը: Ակնկալվում է, որ ԵՄ երկրների իշխանությունները կզբաղվեն այդ հարցի լուծմամբ արդեն 2019-ին՝ այդ դեպքում 2021-ին ԵՄ-ում այլևս ժամացույցի սլաքները չեն տեղափոխի:

2019-ին անցումն ամառային ժամանակի Եվրոպայում նախատեսված է մարտի լույս 31-ի գիշերը: