Պետությունը կընդլայնի «Սոցիալական անապահով և առանձին խմբերի անձանց բժշկական օգնություն» ծրագրի շրջանակները առողջապահության համակարգի ևս 610 աշխատակցի համար։
Նախատեսվում է, որ ծրագրում կընդգրկվեն մարզերում` 50 տոկոս և ավելի պետության բաժնեմաս ունեցող արյան փոխներարկման կայանների բոլոր աշխատողները (թվով մոտ 50 աշխատակից)՝ բացառությամբ տնտեսական (տեխնիկական) սպասարկում իրականացնող աշխատողների;
Ծրագրում կընդգրկվեն նաև Երևանի քաղաքապետարանի «Շտապ բուժօգնություն» ՓԲԸ-ի ավագ, միջին և կրտսեր բուժաշխատողները՝ թվով մոտ 560 աշխատակից:
Առաջարկվում է նշված կազմակերպությունների բուժաշխատողների համար սահմանել փաթեթից օգտվող մնացած բուժաշխատողների համար նախատեսված նույն առողջապահական ծառայությունների փաթեթը: Նոր շահառուների ապահովագրման գումարը կազմում է մոտ 18 մլն դրամ, որը կիրականացվի ծրագրի «Պետական հիմնարկների և կազմակերպությունների աշխատողների բժշկական օգնություն և սպասարկման ծառայություններ» միջոցառման գծով նախատեսված միջոցներով և լրացուցիչ ֆինանսական միջոցներ չեն պահանջվի:
