Հայաստանում ուժեղ ռազմարդունաբերական համալիր ունենալու անհրաժեշտությունը բխում է անվտանգային այն միջավայրից, որում գտնվում է երկիրը: Այդ մասին վարչապետ Նիկոլ Փաշինյանը հայտարարել է Ռազմարդյունաբերողների միության անդամների և ռազմարդյունաբերկական ոլորտի ընկերությունների ղեկավարների հետ հանդիպմանը, որից նա տեսանյութ է հրապարակել իր ֆեյսբուքյան էջում:
Իր ելույթում վարչապետը նշել է, որ Հայաստանի կառավարությունը ռազմարդյունաբերական համալիրին առաջնային դերակատարում է վերապահում տնտեսության մեջ, ինչն իր հերթին ենթադրում է, որ ոլորտը պետք է համապատասխանի արդիական տեխնոլոգիական չափանիշներին: Նա կարևորել է այն հանգամանքը, որ Հայաստանի ռազմարդյունաբերական համալիրը արտաքին շուկաների վրա աշխատելու հնարավորություն ունենա:
Վարչապետն ընդգծել է նաև, որ Հայաստանին գիտելիքահենք արդյունաբերական տնտեսություն է պետք, և դեպի այդ տնտեսություն տանող ուժը պետք է լինի ռազմարդյունաբերական համալիրը:
