Թորոսյան. Ընդհանուր մոտ 200 քաղաքացի է մեկուսացված, կարող են նոր հիվանդներ լինել 14 մարտի 2020 - 15:27 AMT PanARMENIAN.Net - ՀՀ-ում արդեն մոտ 200 մարդ է մեկուսացվել կորոնավիրուսի կասկածանքով, նրանք մեկուսացվել են տարբեր եղանակներով՝ թե առանձին բնակավայրերով, թե շենքում ամբողջությամբ, հայտարարել է առողջապահության նախարար Արսեն Թորոսյանը`նշելով, որ չի բացառում` մեկուսացված քաղաքացիների խմբից նոր դրական դեպքեր լինելու հավանականությունը: «Տրամաբանությունը հետևյալն է՝ մեկուսացված անձինք պետք է պարտադիր սերտ շփված լինեն հաստատված ախտորոշումով պացիենտի հետ: Էջմիածնի դեպքի համաճարակաբանական հետազոտությամբ հայտնաբերել ենք գրեթե բոլոր շփվածներին և այդ աշխատանքները շարունակվում են: Հույս ունենք՝ մեկուսացվածների մոտ հիվանդությունը չի հաստատվի»,- ասել է Թորոսյանը: Կորոնավիրուսի տարածման դեմ տարվող միջոցառումերի մասին խոսելով՝ նախարարը նշել է, որ անհրաժեշտ է քիչ շփվել այլ անձանց հետ, չհաճախել հանրային միջոցառումների: Դրանց անհնարինության դեպքում՝ պահպանել սոցիալական տարածությունը և խստորեն հետևել հիգիենայի կանոններին: ՀՀ-ում կորոնավիրուսի հաստատված 15 դեպք կա, վերջին երկու դեպքի մասին հայտարարվել էր մարտի 14-ին, դրանք կապված էին Էջմիածնում վարակված մեկ պացիենտի հետ: Թորոսյանը դրական է համարել, որ երկու նոր վարակակիրը ևս նույն համաճարակային խմբից են՝ կապված Էջմիածնի նույն դեպքի հետ: Նախարարը չի բացառել, որ նույն դեպքի հետ կապված կարող են հաստատվել վարակի այլ դեպքեր ևս: Թորոսյանի խոսքով՝ համաճարակային նույն խմբից լինելը կանխատեսելի ու կառավարելի զարգացում է: Կարդացեք նաև.Կորոնավիրուսից խուսափելու համար խորհուրդներ` ԱՀԿ-ից   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
