Հայաստանում Ֆրանսիայի դեսպան Ջոնաթան Լաքոթը հրապարակել է այդ երկրում հայկական Սբ Հակոբ եկեղեցու և Մարգարյան-Փափազյան վարժարանի լուսանկարները, որտեղ երևում է, որ անվտանգության ուժերը հսկողություն են իրականացնում այնտեղ։
«Տխուր նկարներ են: Բայց ուժեղ խորհրդանիշ, թե ինչպիսի պաշտպանությամբ է ֆրանսիայի ժողովուրդն օժտում իր բոլոր քաղաքացիներին: Հայկական ծագում ունեցող ֆրանսիացիների նկատմամբ սպառնալիքը սպառնալիք է ամբողջ Ֆրանսիայի նկատմամբ»,- գրել է դեսպանը:
Ավելի վաղ Ֆրանսիայում ահաբեկչական հարձակում էր իրականացվել Նիսի տաճարի վրա, 3 հոգի սպանվել էր։ Ֆրանսիան Եվրոպայի ամենախոշոր հայկական համայնք ունեցող երկրներից է, Արցախում պատերազմի սանձազերծումից հետո տեղի խոշոր քաղաքներում, մայրաքաղաք Փարիզում պարբերաբար հայ համայնքը Արցախի ճանաչման կոչով խաղաղ ակցիաներ է իրականացրել։ Այդ ակցիաներից որոշներն ընդմիջվել են տեղի թուրքերի հարձակումներով։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
