Եվրախորհրդարանի պատգամավորն այցելել է Եռաբլուր․ Եվրոպան պետք է տեսնի սա
Եվրախորհրդարանի պատգամավոր Ֆրանսուա-Քսավիե Բելամին ՀՀ-ում Ֆրանսիայի դեսպան Ժոնաթան Լաքոթի հետ այցելել է Եռաբլուր։ Տեսնելով երիտասարդների բազմաթիվ գերեզմանները՝ պատգամավորն ասել է․ «Եվրոպան պետք է տեսնի սա, որ գիտակցի, որ դա պատերազմ էր»։ Այդ մասին ֆեյսբուքյան իր էջում գրել է դեսպանը։
«Միշտ եմ այցելում Եռաբլուր։ Այս անգամ՝ Եվրախորհրդարանի պատգամավոր Ֆրանսուա-Քսավիե Բելամիի հետ։
Երևանյան այս պանթեոնում հուղարկավորված են Ղարաբաղյան պատերազմում զոհված զինվորները, որոնցից շատերը 18-19 տարեկան են։
Բելամին այցելել էր նաև Ծիծեռնակարբեր, հարգանքի տուրք մատուցել Հայոց ցեղասպանության զոհերի հիշատակին։
