  ԿԽՄԿ ներկայացուցիչներն այցելել են Ադրբեջանում պահվող հայերին 25 հունիսի 2024 - 11:18 AMT PanARMENIAN.Net - Հունիսին Կարմիր խաչի միջազգային կոմիտեի (ԿԽՄԿ) աշխատակիցներն այցելել են Ադրբեջանում կալանքի տակ պահվող հայերին։ Այդ մասին հայտնել է ԿԽՄԿ Բաքվի ներկայացուցչության հասարակայնության հետ կապերի բաժնի ղեկավար Իլահա Հուսեյնովան։ ԿԽՄԿ աշխատակիցներն այցերի ժամանակ գնահատում են պահման պայմանները և հնարավորություն են ստեղծում ընտանիքների հետ կապ հաստատելու կամ կապը շարունակելու համար, գրում է APA-ն։ Ըստ ԿԽՄԿ կանոնների, այցերի վերաբերյալ դիտարկումներն ու խորհուրդները տրամադրվում են բացառապես պահող կողմին։ Հունիսի 24–ին հայտնի դարձավ, որ շինծու գործերով Բաքվի բանտերում պահվող Արցախի նախկին ղեկավարների գործերը շուտով կուղարկվեն դատարան։ Ադրբեջանի գլխավոր դատախազ Քյամրան Ալիևը հայտարարել է, որ 15 անձի նկատմամբ հետաքննությունն ավարտվել է։ Բաքվի դատարանը 5 ամսով երկարացրել է Արցախի նախկին պետնախարար, բարերար Ռուբեն Վարդանյանի, Արցախ ռազմաքաղաքական ղեկավարության ներկայացուցիչներ Արայիկ Հարությունյանի, Բակո Սահակյանի, Արկադի Ղուկասյանի, Դավիթ Բաբայանի, Դավիթ Իշխանյանի, Դավիթ Մանուկյանի ե Լեոն Մնացականյանի ապօրինի կալանքի ժամկետը։ Նրանք բոլորը ձերբակալվել են 2023-ի սեպտեմբերի վերջին՝ Արցախից ՀՀ անցնելու ժամանակ, երբ ԱՀ-ն հայաթափվեց Ադրբեջանի ագրեսիայի հետևանքով։   Ուշագրավ Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։   |  Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
