ՀՀ վարչապետ Տիգրան Սարգսյանի նախագահությամբ այսօր կառավարությունում տեղի է ունեցել Խաչատուր Աբովյանի ծննդյան 200-ամյակի, Դանիել Վարուժանի ծննդյան 125-ամյակի եւ Արամ Մանուկյանի ծննդյան 130-ամյակի նշումները նախապատրաստող հոբելյանական հանձնաժողովների նիստ, հաղորդում է ՀՀ կառավարության մամլո ծառայությունը:

Քննարկվել են հիշյալ հոբելյանների անցկացման ծրագրերի նախագծերը եւ հավանություն տրվել առաջարկված միջոցառումներին: Հանձնարարվել է, բոլոր առաջարկությունները հաշվի առնելով, ամբողջացնել իրականացվելիք միջոցառումների ծրագրերը: