Մեծ Բրիտանիան խորհուրդ է տալիս իր քաղաքացիներին հեռու մնալ հայ-ադրբեջանական սահմանից
Մեծ Բրիտանիայի կառավարությունը խորհուրդ է տալիս իր քաղաքացիներին հեռու մնալ հայ-ադրբեջանական սահմանից՝ կապված երկրների միջև հակամարտության հետ։
«Ադրբեջանի հետ ՀՀ սահմանը շարունակում է փակ մնալ։ Խորհուրդ է տրվում խուսափել հայ–ադրբեջանական արևելյան սահմանից 5 կմ հեռավորության վրա ցանկացած ուղևորությունից: Դա կապված է երկու երկրների միջև հակամարտության հետ»,–ասվում է հաղորդագրության մեջ։
Նշվում է նաև, որ այդ շրջաններում հյուպատոսական աջակցությունը խիստ սահմանափակ է:
Առանձին նշված է, որ պետք է խուսափել Նոյեմբերյան-Իջևան M16/H26 միջպետական ճանապարհով երթևեկելուց՝ կապված ՀՀ և Ադրբեջանի միջև լարվածությամբ։
Նշվում է նաև, որ հայ-թուրքական սահմանը շարունակում է փակ մնալ` թեև իրականցվում են Երևան-Ստամբուլ չվերթեր:
