ՀՀ տարածքում կան փակ և դժվարանցանելի ճանապարհներ՝ պայմանավորված եղանակային անբարենպաստ պայմաններով։
Արագածոտնի մարզում փակ են Ամբերդ ամրոց և Քարի լիճ տանող ճանապարհները, որոնք անցնում են «Ամբերդ» բարձր լեռնային օդերևութաբանական կայանի տարածքով, հայտնում է Փրկարար ծառայությունը։
Վարդենյաց լեռնանցքը, որտեղ տեղում է ձյուն, դժվարանցանելի է կցորդիչով բեռնատարների համար, և միայն անվաշղթաների կիրառմամբ է հնարավոր երթևեկությունը։
Աշտարակի և Արագածի տարածաշրջաններում, ինչպես նաև Կոտայքի մարզում տեղումներ են գրանցվել ձյան տեսքով։
Արագածի, Ապարանի, Աշտարակի և Աշոցքի տարածաշրջաններում, ինչպես նաև Երևան-Սևան ճանապարհին առկա է մերկասառույց։
Աշտարակի և Թալինի շրջաններում մառախուղ է, ինչը ևս նվազեցնում է տեսանելիությունը ճանապարհներին։
Փրկարար ծառայությունը հորդորում է վարորդներին երթևեկել բացառապես ձմեռային անվադողերով՝ նվազեցնելու համար վթարների ռիսկը։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տվյալների համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
