Տիկնիզյանը պատմել է «Սևիլիայից» իր հանդեպ հետաքրքրության մասին
Մոսկվայի «Լոկոմոտիվը» շարունակում է քննարկումները իսպանական «Սևիլիայի» հետ Հայաստանի ազգային հավաքականի պաշտպան Նաիր Տիկնիզյանի հնարավոր տեղափոխության շուրջ։ Այդ մասին ֆուտբոլիստն ասել է «Սպորտ Էքսպրեսին»։
«Գիտեմ, որ ամռանն առաջարկ է եղել «Սեվիլիայից», բայց շատ փոքր, այն չբավարարեց «Լոկոմոտիվին»։ Հիմա էլ «Սևիլիայից» կոնկրետ հետաքրքրություն կա, խոսակցություններ կան, բայց կարող են խոսակցություն էլ մնալ։ Հիմա իմաստ չունի դրա մասին մտածել»,- ասել է Տիկնիզյանը:
Հայաստանի հավաքականի և Մոսկվայի «Լոկոմոտիվի» պաշտպան Տիկնիզյանն ավելի վաղ չի կարողացել պայմանավորվել «Զենիթի» հետ անձնական պայմանագրի պայմանների վերաբերյալ։
