Թուրքիայի նախագահ Ռեջեփ Թայիփ Էրդողանը կառավարության նիստից հետո կայացած ճեպազրույցում անդրադարձել է մարտի սկզբին Ադրբեջանի նախագահ Իլհամ Ալիևի այցին։

Նա ասել է, որ Ալիևի հետ հանդիպման ընթացքում քննարկել է լայն հարցերի շրջանակ, ներառյալ Ադրբեջանի և Հայաստանի միջև բանակցային գործընթացը, հայտնում է Minval.az-ը։

«Մարտի 5-ին Իլհամ Ալիևի այցի ընթացքում մենք մասնակցեցինք Իգդիր-Նախիջևան գազատարի բացմանը, որը թույլ կտա ամբողջությամբ ապահովել ինքնավարությունը գազով առնվազն 30 տարի»,– նշել է նա։

Էրդողանը հավելել է, որ հանդիպումը նաև հնարավորություն է տվել «եղբայր Իլհամ Ալիևի հետ քննարկելու բազմաթիվ կարևոր թեմաներ, հատկապես՝ Հայաստանի հետ խաղաղ բանակցությունների հարցը»։

Ավելի վաղ հայտնի դարձավ, որ Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևը, որն այցով Թուրքիայում է, տեսակապի ձևաչափով մասնակցելով Իգդիր-Նախիջևան գազատարի բացման արարողությանը։