Ռուբեն Հակոբյան. Հայաստանի այսօրվա քաղաքական իրավիճակը բացառում է մարտի 1-ի կրկնությունը

 28 ապրիլի 2011 - 14:44 AMT

PanARMENIAN.Net - Հայաստանում առկա քաղաքական իրավիճակը, մասնավորապես իշխանությունների և ՀԱԿ հարաբերությունների դինամիկան, բացառում է 2008-ի մարտի 1-ի դեպքերի կրկնությունը: Այդ մասին Երևանում մամլո ասուլիսում հայտարարել է «Ժառանգություն» կուսակցության փոխնախագահ Ռուբեն Հակոբյանը: Միաժամանակ, նա նշել է, որ «ՀԱԿ նախկին քաղաքականությունը փակուղի էր տանում և կարող էր հանգեցնել նոր մարտի 1-ի»: Հակոբյանը նաև ասել է, որ Հայաստանում հիմա կան երեք գլխավոր խնդիրներ, որոնց լուծման համար անհրաժեշտ է ողջ հասարակության միավորումը` ղարաբաղան հակամարտության կարգավորում, հայ-թուրքական հարաբերություններ և երկրում ծանրագույն սոցիալ-տնտեսական իրավիճակ:

Ինչ վերաբերվում է իշխանությունների և ՀԱԿ-ի երկխոսությանը, ապա Հակոբյանը ողջունել է այն, սակայն հավելել, որ համոզված չէ, որ այն օգուտ է տալու պետությանը և հասարակությանը: Նա նաև հիշեցրել է, որ ժամանակին ՀԱԿ-ը կտրուկ հանդես է եկել ընդդիմադիր ուժերի դեմ, որոնք կողմ են եղել իշխանությունների հետ երկխոսությանը, սակայն հիմա այդ երկխոսության կողմնակից է և «սկզբունքային պայքար է մղում իր սկզբունքների հետ»: