Վրաստանը գտնում է, որ արդեն նոյեմբերի 1-ին Մոսկվան կհրապարակի իր որոշումը ԱՀԿ-ին Ռուսաստանի անդամակցության վերաբերյալ Մոսկվայի ու Թբիլիսիի միջև փոխզիջումային տարաբերակի մասին:
«Մենք ակնկալում ենք, որ նոյեմբերի 1-ին Մոսկվան իր վերջնական որոշումը կհրապարակի այդ փաստաթղթի վերաբերյալ»,- BBC ռուսական ծառայությանը տված հարցազրույցում ասել է Վրաստանի ԱԳ փոխնախարար Սերգո Կապանաձեն:
Ռուսաստանի ու Վրաստանի միջև բանակցությունների միջնորդ է հանդես գալիս Շվեյցարիան: Հենց նա է առաջարկել պայմանագրի վերջին տարբերակը, ըստ որի բեռների դիտարկումը Վրաստանի ու ՌԴ սահմանին կկատարեն միջազգային դիտորդները:
Վերջին ամիսներին վեճը գնում է այդ հարցի շուրջ: Վրաստանը պնդում էր, որ Աբխազիայի ու Հարավային Օսեթիայի սահմանին լինեին վրացի սահմանապահաներ: Մոսկվան չէր համաձայնվում:
Արդյունքում գտնվեց փոխզիջումային տարբերակ: Նախորդ շաբաթ Թբիլիսին հայտարարեց, որ պատրաստ է այն ընդունել:
Այժմ Մոսկվան պետք է պաշտոնական հայտարարություն անի, որ ընդունում է միջնորդների պայմանները: