Երկրաշարժը Վանում էլ ավելի հետաձգեց հայ-թուրքական հարաբերությունների կարգավորումը, քանի որ հայտնվեց միջազգային հանրության ուշադրության կենտրոնում: Այդ մասին Երևանում լրագրողներին է հայտարարել փորձագետ, թուրքագետ Հակոբ Չաքրյանը:
Ըստ Չաքրյանի, ընդհանուր առմամբ առաջիկայում կարգավորման գործընթացում փոփոխություններ ակնկալել հարկավոր չէ ՀՀ-ում նախընտրական շրջանի պատճառով:
Փորձագետը նաև անդրադարձել է իրավապաշտպան Ռագիփ Զարաքոլուի ձերբակալությանը, որին մեղարդւոմ են քրդերին սատարելու համար: «Դա օրինաչափ քաղաքականություն է թուրքական իշխանությունների համար»,-ասել է նա՝ հավելելով, որ Թուրքիայում միշտ են հետապնդել քրդերին: «Թուրքիան դեռ երկար նման քաղաքականություն կվարի քրդերի հանդեպ»: Իրավապաշտպան, հասարակական գործիչ և «Բելգե» հրատարկչության խմբագիր Ռագիփ Զարաքոլուն ձերբակալվել է թուրք իրավապաշտպան մարմինների կողմից հակաահաբեկչական գործողության շրջանակներում: Նրան մեղադրում են քրդական հակակառավարական կազմակերպություններին աջակցելու մեջ:
Զարաքոլուն հայտնի է Օսմանյան կայսրությունում իրագործված ցեղասպանությունների վերաբերյալ իր հետազոտություններով, ինչպես նաև ազգային փոքրամասնությունների իրավական պաշտպանությամբ:
