Պաշտոնական Բաքուն առայժմ չի բարձրացրել Լեռնային Ղարաբաղի հակամարտության խաղաղ կարգավորման գծով ԵԱՀԿ Մինսկի խմբի կազմում Ֆրանսիայի փոխարինման հարցը: Այդ մասին հայտնել է Թուրքիայում Ադրբեջանի դեսպան Ֆայիկ Բագիրովը Hurriyet թերթին տված հարցազրույցում` արտահայտելով վերաբերմունքը Թուրքիայի նախագահ Աբդուլլահ Գյուլի համապատասխան հայտարարությանը: «Մենք ուզում ենք, որպեսզի Թուրքիան ԵԱՀԿ ՄԽ համանախագահներից մեկը դառնա»,- նշել է Բագիրովը: Անդրադառնալով ֆրանսիական խորհրդարանում Հայոց ցեղասպանության ժխտումը քրեականացնող օրինագծի ընդունմանը` ադրբեջանական դիվանագետը նշել է, որ ԱԳ նախարարներն ու այլ պաշտոնական անձինք արդեն արտահայտել են իրենց վերաբերմունքն այդ հարցին: