Սուրբ Սարգսի տոնին պարտադիր չէ աղաբլիթ ուտել, մամլո ասուլիսի ժամանակ հայտարարեց Տեր Եսայի քահանա Արթենյանը: Նրա խոսքով աղաբլիթ ուտելը դա պարզապես ավանդույթ է և գուշակություն: Եկեղեցին չի ընդունում ոչ մի գուշակություն, սակայն, քահանայի խոսքով, դա ժողովրդական մշակույթի մի մաս է և եկեղեցու համար դա խնդիր չէ:
Արթենյանի խոսքով եկեղեցական տոնի խորհուրդը պատարագի մեջ է և պետք է պարզապես սրբից գիտակցաբար մաքուր սեր խնդրել:
Այնուամենայնիվ քահանան աղաբլիթ ուտելը մեկնաբանում է, որ այն շատ տհաճ է ուտել և դրանով մարդիկ միանում են սրբի չարչարանքներին:
«Աղաբլիթ ուտելը և երազում ապագա ամուսնուն տեսնելը դա ենթագիտակցական երևույթ է, սակայն չի բացառվում, որ Աստված երազում ցույց տա ապագան», մասնավորեցրեց քահանան:
Այս տարի Հայ Առաքելական եկեղեցին Սուրբ Սարգսի տոնը նշում է փետրվարի 4-ին, իսկ աղաբլիթ ուտում են փետրվարի 3-ին` գիշերը:
