Իսպանիայի ոստիկանությունը հայտնել է, որ ձերբակալել է 4 անձանց, որոնք, հավանաբար, հանդիսանում են Anonymous հայտնի հաքերային խմբավորման անդամներ։

Ըստ ոստիկանության` ձերբակալվածներն առնչություն ունեն իսպանական քաղաքական կուսակցության կայքերի հարձակումների վրա, հաղորդում է AP-ն։

Ոստիկանության հաղորդագրության մեջ նշվում է, որ Բուլղարիայում և Չեխիայում տեղակայված երկու սերվերներ, որոնք օգտագործվել են խմբավորման կողմից, արգելափակված են։

4-րդ ձերբակալվածը հանդիսանում է Anonymous Իսպանիայի և Anonymous Լատինական Ամերիկայի ղեկավարը։ Նա հայտնի է իր «Thunder» և «Pacotron» մականուններով։

Anonymous-ը հայտնի է 2010-ից իր կատարած մի շարք DDoS հարձակումներով` ուղղված խոշոր ընկերությունների և կառավարական կայքերին` PayPal-ին, Visa-ին, MasterCard-ին, Sony-ի PlayStation ցանցին և այլն։ Իր հաղորդագրություններում Anonymous-ը մշտապես հայտնում է, որ պայքարում է այսպես կոչված իշխանությունների` ինտերնետը գրաքննելու որոշումների և կաշառակերության դեմ։ Ամբողջ աշխարհում կատարվել և կատարվում են Anonymous խմբի մի շարք անդամների ձերբակալություններ։