381,000-ական դրամ պարգևավճար` ԱԺ-ում. «Հայաստանը» հրաժարվում է, ՔՊ-ում` սիմվոլիկ համարում 17 սեպտեմբերի 2021 - 14:36 AMT PanARMENIAN.Net - ԱԺ յուրաքանչյուր պատգամավորի հաշվին պետբյուջեից 381,000-ական դրամ պարգևավճար է փոխանցվել։ Այդ մասին ֆեյսբուքյան իր էջում հայտնել է պատգամավոր Գեղամ Մանուկյանը՝ հավելելով, որ «Հայաստան» խմբակցության պատգամավորները հրաժարվում են պարգևավճարից։ «Պարգևավճարների այս արատավոր մեխանիզմը պետք է արմատախիլ անել...մեր խմբակցության պատգամավորները հրաժարվում են այս պարգևավճարից, ավելի ուշ կհայտնենք՝ ուր կուղղենք այն»։ Նույն թեմայով խոսել է նաև ԱԺ փոխխոսնակ Իշխան Սաղաթելյանը՝ հավելելով, որ «Հայաստան» դաշինքը չի վերցնելու պարգևավճարները՝ դա համարելով անընդունելի երկրում տիրող իրավիճակում: Նա նշել է, որ գումարը կամ կվերադարձվի պետբյուջե, կամ որևէ ծրագիր կիրականացվի սահմանամերձ գյուղերում, տեղեկացնում է «Ազատությունը»։ Ազգային ժողովում «Քաղաքացիական պայմանագիր» խմբակցության պատգամավոր Հերիքնազ Տիգրանյանը հայտարարել է,թե դա «սիմվոլիկ պարգևատրում է» անկախության 30 ամյակի կապակցությամբ, հայտնում է «Հայկական ժամանակը»։ Նա նշել է նաև, որ պարգևատրումները վերաբերում են ամբողջ պետական ապարատին, նաև հանրային ծառայողներին։   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Բաժիններ թեմայով Վերջին լուրեր ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար  Նույն գործով անցնում է նաև կոնգրեսականի կինըՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումըՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի |
