Անգլիական ֆուտբոլային «Ուիլ փաուեր» թիմը դարձել է բացարձակ ռեկորդակիր մեկ խաղի ընթացքում արդյունավետության առումով: Նա հաղթել է «Նովա-2010» թիմին աներևակայելի 58:0 հաշվով: Նման դեպք անգլիական ֆուտբոլի պատմության մեջ դեռ չէր գրանցվել:
Ինչպես հայտնում է էլեկտրոնային «Դեյլի մեյլը», այդ պատմական խաղը տեղի է ունեցել անցած կիրակի օրը «Ուիլ փաուեր» դաշտում:
«Նովա-2010» նման ջախջախիչ պարտության պատճառն այն է, որ թիմի ֆուտբոլիստներն ընդամենը հինգն էին: Ճիշտ է, նրանք շտապ կարգով 4 անծանոթների ընդունեցին թիմ, սակայն նրանց ներկայությունը գրեթե չէր զգացվում դաշտում:
«Ուիլ փաուեր» թիմը ևս լրիվ կազմով չէր խաղում՝ նրանք խաղում էին 10 հոգով, ընդամենը մեկ հոգու առավելությամբ: Մեծ հաջողության հասան եղբայրներ Ռոբբի և Ստյուարտ Բաուկերները, որոնք 28 գնդակ խփեցին, հայտնում է ԻՏԱՐ-ՏԱՍՍ-ը:
