Այսօր գումարած հերթական նիստի շրջանակներում Հայաստանի Կենտրոնական ընտրական հանձնաժողովը (ԿԸՀ) ՀՀ արտաքին գործերի նախարարության ներկայացուցչին է փոխանցել էլեկտրոնային եղանակով քվեարկելու անհատական ծածկագրերը: Ինչպես հաղորդում է ԿԸՀ մամլո ծառայությունը, այդ կերպ կկարողանան քվեարկել Հայաստանի Հանրապետության դիվանագիտական և հյուպատոսական ներկայացուցչություններում դիվանագիտական ծառայություն անցնող ընտրողները և նրանց հետ արտերկրում բնակվող ընտանիքի` ընտրելու իրավունք ունեցող անդամները:

Հայաստանի խորհրդարանական ընտրությունները տեղի կունենան մայիսի 6-ին: Ընտրություններին մասնակցում են ութ քաղաքական կուսակցություններ և մեկ ընտրական բլոկ` ի դեմս ընդդիմադիր Հայ ազգային կոնգրեսի (ՀԱԿ):