Աուտիզմի իրազեկման միջազգային օրվա կապակցությամբ, այսօր, ՀՀ կրթության և գիտության նախարարությունում տեղի ունեցավ «Աուտիզմը Հայաստանում-ձեռքբերումներ և հեռանկարներ» թեմայով գիտաժողով:
Գիտաժողովին հրավիրվածներին և մասկակիցներին ողջունեցին ՀՀ ԿԳ նախարարը, ՀՀ աշխատանքի և սոցիալական հարցերի փոխնախարարը, ՀՀ առողջապահության փոխնախարարը:
Արմեն Աշոտյանն իր ողջույնի խոսքում նշեց, որ արդեն ստեղծվել է Աուտիզմի ազգային հիմնադրամ. «Յուրաքանչյուր երեխայի կրթական կարիքները հոգալը կառավարության գործառույթ է, և այդ գործառույթից չեն կարող դուրս մնալ աուտիզմով հիվանդ երեխաները»:
ՄԱԿ-ի Մանկական հիմնադրամի ղեկավար Քրիստինա Ռոչելլան ասաց, որ Հայաստանն այն առաջատար երկրներից է, որտեղ մեծ ուշադրություն է դարձվում երեխաների իրավունքների պաշպանությանն ու աջակցմանը:
Գիտաժողովին ներկա էին «Առաջինը երեխաներին» բարեգործական կազմակերպության, «Երեխաների զարգացման միջազգային կենտրոն» ՀԿ-ի «Աուտիզմի հաղթահարումը» ՀԿ-ի և մի շարք այլ կազմակերպությունների ներկայացուցիչներ:
«Երեխաների զարգացման միջազգային կենտրոն» ՀԿ-ի տնօրեն Այրա Հեյլվելն կարևորեց վերջին 2-3 տարիներին Հայստանում անցկացված ուսումնասիրություները, որոնք, մինչ այդ չէին արվել ամբողջ աշխարհում:
2008 թվականին ՄԱԿ-ը ապրիլի 2-ը հայտարարեց Աուտիզմի մասին իրազեկման համաշխարհային օր, ընդգծելով աուտիզմով տառապող երեխաների և մեծահասակների կյանքի որակը բարելավելու անհրաժեշտությունը
Աուտիզմը զարգացման բարդ խանգարում է, որն ի հայտ է գալիս երեխաների մոտ կյանքի առաջին 3 տարիների ընթացքում: Դա նյարդաբանական խանգարում է, որը հիվանդ երեխային խոչընդոտում է հաղորդակցական և սոցիալաական հարաբերությունենրում:
Անցկացվեց «Աուտիզմը Հայաստանում-ձեռքբերումներ և հեռանկարներ» թեմայով գիտաժողով