«Մենք գործադրում ենք բոլոր ջանքերը երկկողմ, առաջին հերթին` տնտեսական հարաբերությունների զարգացման համար»,- հայտնել է Բելառուսի արտգործնախարար Սերգեյ Մարտինովը Երևանում Հայաստանի ԱԳ նախարար Էդվարդ Նալբանդյանի հետ համատեղ մամլո ասուլիսում: «Մենք փնտրում ենք շփման նոր կետեր, որոնցից մեկը պետք է դառնա արդյունաբերական կոոպերատիվների ստեղծումը առաջին հերթին գյուղատնտեսական տեխնիկայի համատեղ հավաքման նպատակով, մանավանդ, որ այդ ոլորտում Բելոռուսիան բավականաչափ հաջողությունների է հասել»,- նկատել է նա: Բելառուսիայի արտաքին քաղաքական գերատեսչության ղեկավարն ընդգծել է, որ կողմերն աշխատում են նաև լիզինգի ոլորտում, Հայաստանում արդեն բացվել է «Պրոմագրոլիզինգ» բելոռուսական խոշորագույն լիզինգային ընկերության ներկայացուցչությունը:
Բացի այդ, ծրագրվում է «ԱրԲե»-ի նմանությամբ ևս մեկ հայ-բելառուսական տան ստեղծում, այս անգամ` Բելոռուսիայում: Ծրագրվում է նաև Բելառուսում բացել հայկական կոնյակի գործարան և տրանսֆորմատորների համատեղ գործարկում Հայաստանում:
