Թուրքիայի կողմից Հայոց ցեղասպանությունը չճանաչելն այդ երկրի ԵՄ մտնելու ճանապարհին արգելքներից մեկն է, այդ մասին Le Nouvel Obs ամսագրին տված հարցազրույցում հայտարարել է Ֆրանսիայի նախագահի թեկնածու Ֆրանսուա Օլանդը:

Նա նշել է ևս մի քանի արգելքներ՝ Կիպրոսի հարցի չկարգավորված լինելը, ժողովրդավարության մակարդակի հետ խնդիրը:

Այդ արգելքների պատճառով Թուրքիայի՝ ԵՄ մտնելու գործընթացն առաջիկա 5 տարում չի ավարտվի:

Միաժամանակ Օլանդը Թուրքիայի հետ երկխոսությունը շարունակելու կողմնակից է, հավելելով, որ Անկարայի հետ հարաբերություններում այն լարվածությունը, որը վերջին 5 տարիներին պահպանել է Սարկոզին, հակասում է պաշտոնական Փարիզի շահերին: