«Այս օրը ոչ միայն զոհվածների, այլև հերոսների, վերապրածների օրն է, այն մարդկանց, որոնք ստեղծեցին Հայաստանը»,- PanARMENIAN.Net-ի թղթակցի հետ զրույցում Ծիծեռնակաբերդի հուշահամալիրի հարևանությամբ ասաց թուրքագետ Արտակ Շաքարյանը:
«Սխալ եմ գնահատում այն, որ ասում են թե գնդակը Թուրքիայի դաշտում է, և Թուրքիան ինչ-որ բան պիտի որոշի: Թուրքիան վաղ թե ուշ ճանաչելու է Հայոց ցեղասպանությունը, սակայն հարցն այն է, թե ինչ ենք մենք պատրաստ անել ճանաչումից հետո: 97 տարի է անցել, և մենք դեռ հստակ չգիտենք, թե ինչ ենք ուզում այդ երկրից»,- ասաց նա՝ նշելով, որ միայն ճանաչումը բավարար չէ:
«Մենք ունենք տարածքային ամբողջականության խնդիր, ուստի գործը պատմաբաններինը չէ, այլ իրավաբաններինը: Պետք է հայ փաստաբաններն ու իրավաբանները գործի անցնեն, հաշվարկեն մեր պահանջները Թուրքիայից և թղթապանակներ ներկայացնեն դատական ատյաներ»,- նշեց թուրքագետը:
