Ֆրանսիական օդանավակայանի կայքում հաղորդագրություն է հայտնվել ավիավթարում Նիկոլյա Սարկոզիի մահվան մասին
Թայիթիի (Ֆրանսիական Պոլինեզիա) օդանավակայանի օգտագործողների կայքում երեքշաբթի օրը հայտնվել է տեղեկատվություն ավիավթարի մասին, որում նշվում է, որ իբր մահացել է Ֆրանսիայի նախագահ Նիկոլյա Սարկոզին:
Ինչպես գրում է ԻՏԱՐ-ՏԱՍՍ-ը, կայքէջում տեղակայվել է հաքերային տեղեկատվություն քերականական և ուղղագրական սխալներով Սարկոզիի անձնական ինքնաթիռի վթարի մասին:
«Բեկորները գտնվել են Բորա-Բորա կղզում, և մենք հիմա բոլոր ջանքերը գործադրում ենք, որպեսզի գտնենք «սև արկղերը»,- ասվում է հաղորդագրությունում:
Տեղի հեռուստատեսության տվյալներով, նորությունը հայտնվել է տեղի ժամանակով 20:30-ին և մի քանի ժամ անց անհետացել:
