«Ժառանգություն» խմբակցության նախընտրական քարոզարշավի վերջին հանրահավաքը տեղի ունեցավ այսօր` մայիսի 3-ին:
«Գալիս ենք նոր օրենք բերելու և գրելու մեր պատմության ապագա դասագիրքը»,- հանրահավաքի ժամանակ ասաց «Ժառանգության» առաջնորդ Րաֆֆի Հովհաննիսյանը:
Նախկին արտաքին գործերի նախարար Ալեքսանդր Արզումանյանն իրեն համեմատեց սկսնակ երգչի հետ, որը տաքացնում է «պուբլիկան» Ձախ Հարութի ելույթին պատրաստելու համար:
«Սա Երևանն է, սա ըմբոստ քաղաք է, և քիչ առաջ Մատենադարանի առաջ ավտոբուսներով մարզերից բերած մարդկանց դեմ ըմբոստացավ անգամ եղանակը: Միասին տեր դառնանք մեր երկրին` թույլ չտալով անարդարություն»,- նշեց Արզումանյանը:
ԱԺ համամասնական ցուցակով առաջադրված Արման Մուշեղյանը գալիս է հավասար իրավունքների համար. «Ժառանգության» կոալիցիան ժողովուրդն է, որին նա երբեք չի դավաճանել»:
Հանրահավաքին ելույթ ունեցան նաև Զարուհի Փոստանջյանը, Անահիտ Բախշյանը, Ռուբեն Հակոբյանը և անկուսակցական, «Ժառանգության» ցուցակում ընդգրկված այլ թեկնածուներ:
Հանրահավաքի ընթացքը շարունակվում է համերգային մասով, ելույթ է ունենում Ձախ Հարութը: