Հայաստանը Համաշխարհային տնտեսական ֆորումի (ՀՏՖ) իրականացրած հերթական համեմատական վերլուծության համաձայն` 59-րդն է 132 երկրների շարքում 2012թ. համաշխարհային առևտրի խթանման ցուցիչով:
«Տնտեսություն և արժեքներ» հետազոտական կենտրոնի (Հայաստանում ՀՏՖ-ի Համաշխարհային մրցունակության ցանցի գործընկեր կազմակերպություն) կողմից PanARMENIAN.Net-ին տրամադրված հաղորդագրության համաձայն` Հայաստանը գերազանցում է զեկույցում ներառված ԱՊՀ երկրների ցուցանիշները` Մոլդովային (76), Ադրբեջանին (88), Ուկրաինային (86), Ղազախստանին (105), Տաջիկստանին (110), Ղրղզստանին (111) և Ռուսաստանին (112): Վրաստանը առևտրի խթանման կատարողականով 38-րդն է:
Ոլորտում կրկին լավագույն կատարողականն են գրանցել Սինգապուրը և Հոնկոնգը: