Կովկասի մահմեդականների վարչության հոգևոր առաջնորդ, շեյխուլիսլամը «Լեռնային Ղարաբաղի հակամարտության կարգավորումը տեսնում է միջկրոնական երկխոսության մեջ», հաղորդում են ադրբեջանական լրատվամիջոցները:
«Նպատակահարմար եմ համարում Լեռնային Ղարաբաղի հիմնախնդիրը լուծել ոչ միայն միջպետական բանակցությունների ժամանակ, այլև միջկրոնական երկխոսության մակարդակով»,- ասել է Փաշազադեն չորեքշաբթի օրը` ելույթ ունենալով Աստանայում համաշխարհային և ավանդական կրոնների IV համագումարում:
Նրա խոսքով` Լեռնային Ղարաբաղի խնդիրը խոչընդոտում է ողջ կովկասյան տարածաշրջանի զարգացմանը:
«Պետությունների ղեկավարները միջազգային միջնորդությամբ շարունակում են բանակցային գործընթացն այդ երկարաձգված հակամարտության շուրջ, բայց այդ բանակցային գործընթացի հաջողության համար կառուցողական ոգի է անհրաժեշտ նաև միջկրոնական հաղորդակցության մեջ»,- ասել է Փաշազադեն:
