Իրանը նոր տիեզերական կենտրոն է կառուցում, հաղորդում է Associated Press-ը` հղում կատարելով իսլամական հանրապետության լրատվամիջոցներին: Նոր օբյեկտը կունենա իրանական արտադրության արհեստական արբանյակները տիեզերք գործարկելու համար համապատասխան պայմաններ: Շինարարական աշխատանքների իրականացման մասին տեղեկատվությունը հաստատել է Իրանի պաշտպանության նախարար, գեներալ Ահմադ Վահիդին: Նա հավելել է, որ նոր համալիրը կկոչվի հանրապետության հիմնադիր այաթոլլահ Ռուհոլլահ Մուսավի Խոմեյնիի պատվին:

Նոր տիեզերական կենտրոնի ստեղծման մասին տեղեկատվությունն էլ ավելի է սրում Իրանի և արևմտյան երկրների միջև հարաբերությունները, քանի որ արբանյակները տիեզերք ուղարկելու և միջմայրցամաքային բալլիստիկ հրթիռների ստեղծման համար իրար նման տեխնոլոգիաներ են կիրառվում: