Լեգենդար «Բիթլզ» խմբի նախկին մասնակից Փոլ Մըքքարթնին հաստատել է իր մասնակցությունը Լոնդոնի Օլիմպիական խաղերի բացմանը: Նա հանդես կգա շոուի վերջում: Կազմակերպիչները մտադիր էին ներգրավել որքան հնարավոր է մեծ թվով հայտնի բրիտանացի դերասանների, սակայն հրավիրվածների մեծ մասը, մասնավորապես, «Ռոլինգ Սթոունզի» երաժիշտները հրաժարվեցին:
Բացման արարողությունը տեղի կունենա հուլիսի 27-ին Ստրատֆորդի Օլիմպիական մարզադաշտում: Սցենարը գաղտնի է պահվում: Սակայն, որոշ մանրամասներ այնուամենայնիվ հայտնի են դարձել: Օրինակ, պաշտոնապես խաղերը բացված կհայտարարեն Եղիսաբեթ Երկրորդն ու արքայազն Ֆիլիպը: Հայտնի է նաև միջոցառման անվանումը՝ «Հրաշալի կղզիներ»:
Արարողության բացումը կազդարարի հատուկ ձուլված 27-տոննայանոց զանգը, հայտնում է ԻՏԱՐ-ՏԱՍՍ-ը: