ԵԱՀԿ գործող նախագահ, Իռլանդիայի փոխվարչապետ և ԱԳ նախարար Էյմոն Գիլմորը կարծում է, որ հայկական և ադրբեջանական կողմերը «չպետք է գնան շփման գծում տեղի ունեցած միջադեպերի պատասխանատվությունը մեկը մյուսի վրա բարդելու ուղիով»:
«Մեղքի բարդումը չի նպաստում հակամարտության լուծմանը: Պետք է մտածել, թե ինչ անել այն լուծելու համար»,-ընդգծել է նա:
Այս մասին Գիլմորը հայտարարել է, պատասխանելով PanARMENIAN.Net-ի թղթակցի այն հարցին, արդյոք չի նպաստի շփման գծում լարվածության թուլացմանը վերջին սադրանքների կոնկրետ մեղավորներին նշելը:
Ըստ Գիլմորի, հակամարտության խաղաղ կարգավորման համար անհրաժեշտ է բացառել ուժի կիրառումը կամ դրա սպառնալիքը: « Կողմերը պետք է պատրաստ լինեն գնալու անհրաժեշտ զիջումների, որոնք էական են հակամարտության կարգավորման համար»,-ընդգծել է նա:
Գիլմորը հավելել է, որ ղարաբաղյան հակամարտության կարգավորման հարցում ԵԱՀԿ-ն աջակցելու է միջնորդների ջանքերին: