Շախմատի պրոֆեսիոնալների ասոցիացիան արձագանքել է Թուրքիայի շախմատի ֆեդերացիայի նախագահ Ալի Նիհատ Յազիչիի հայտարարությանը: Ասոցիացիայի հայտարարության մեջ ասվում է.« Անգլիայից, Ֆրանսիայից, Վրաստանից, Գերմանիայից, Շվեյցարիայից, Ուկրաինայից ու ԱՄՆ-ից մրցավարներ չհրավիրելու որոշումը կարող է շատ վտանգավոր նախադեպ դառնալ, որը հակսում է «Մենք մեկ ընտանիք ենք» կարգախոսի ոգուն և խախտում է ՖԻԴԵ-ի կանոնադրությունը»: Ասոցիացիան հիշեցնում է, որ Օլիմպիադաները միշտ միավորել են մարդկանց, բարի հին ժամանակներում պատերազմները դադարել են և ներկայիս շախմատային օլիմպիադան ևս ճակատամարտի դաշտ չպետք է դառնա: Ցանկացած խտրականությունն անընդունելի է:
Նամակում ասվում է նաև, որ եթե իրավիճակը չփոխվի, տուժած ֆեդերացիաները կարող են քննարկել Օլիմպիադայի բոյկոտի հարցը՝ հրաժարվելով մասնակցել Ստամբուլի Օլիմպիադային:
Ասոցիացիան կոչ է անում ՖԻԴԵ-ին շտապ քննարկել ստեղծված իրավիճակն ու որոշում կայացնել՝ հարգելով բոլորի իրավունքները, հայտնում է chess-news.ru-ն:
Շախմատի Օլիմպիադան այս տարի կանցնի Ստամբուլում օգոստոսի 27-ից սեպտեմբերի 10-ը: