Բժիշկները երեկ «Հարսնաքար» ռեստորանային համալիրում դաժան ծեծի ենթարկված ՊՆ կենտորանական կայազորի ռազմական հոսպիտալի ԼՈՌ բաժանմունքի պետ, բուժծառայության մայոր Վահե Ավետյանի վիճակը գնահատում են ծայրահեղ ծանր: Այս մասին PanARMENIAN.Net-ի թղթակցին հայտնեցին ՀՀ կենտրոնական հոսպիտալից:
Հոսպիտալից հայտնեցին, որ տուժածի մոտ ծանր, փակ գանգուղեղային տրավմա է և մի շարք այլ ծանր վնասվածքներ, կատարվել է վիրահատություն, սակայն ծայրահեղ ծանր վիճակը դեռևս պահպանվում է:
Աճառյան 29 հասցեում գտնվող «Հարսնաքար» ռեստորանային համալիրում երեկ ծեծի է ենթարկվել ՊՆ կենտորանական կայազորի ռազմական հոսպիտալի ԼՈՌ բաժանմունքի պետ, բուժծառայության մայոր Վահե Ավետյանը:
Մամուլում տեղեկություններ կան, որ ՊՆ մայորին ծեծին է ենթարկել ԱԺ հանրապետական պատգամավոր, ՀՖՖ նախագահ Ռուբեն Հայրապետյանի թիկնազորը` վերջինիս ցուցումով :
