Թուրքական կործանիչի անձնակազմը, որ նախօրեին ոչնչացրել են սիրիական հակաօդային ուժերը, կարող էր բարձր արագության դեպքում ոչ միտումնավոր խախտել Սիրիայի օդային սահմանը: Նման հնարավորության մասին ասել է թուրք նախագահ Աբդուլլահ Գյուլը:
«Ռեակտիվ ինքնաթիռների համար նորմալ է համարվում, երբ նրանք կարճ ժամանակով հատում են սեփական պետության սահմանը…հատկապես եթե հաշվի առնենք նրանց թռիչքի արագությունը ծովի վրայով»,-ասել է նա Անատոլիական գործակալությանը տված հարցազրույցում: Ըստ նախագահի, «նման բաներ պատահում են, չկանխամտածված»:
Թուրքիայի նախագահը հայտնել է նաև սիրիական կողմի հետ կապ հաստատելու փորձերի մասին, չնայած, որ Անկարան դեռ մարտին ետ էր կանչել իր դեսպանին Սիրիայից:
Նա հաստատել է, որ Անկարան «բոլոր անհրաժեշտ միջոցները կձեռնարկի» պարզելու համար կատարվածի հանգամանքները:
Ըստ Գյուլի, Սիրիայի տարածքում հայտնաբերվել են կործանված ինքնաթիռի բեկորները, օդաչուի որոնումները շարունակվում են, հայտնել է «ՌԻԱ Նովոստին»:
