Այսօր Հայաստանի խորհրդարանում 2005 թվականի պետբյուջեի քննարկման ընթացքում ՀՀ ֆինանսների եւ էկոնոմիկայի նախարար Վարդան Խաչատրյանը հաղորդել է, որ մինչեւ 2005 թվականը Հայաստանի ՀՆԱ անվանական արժեքը կկազմի 2,58 տրիլիոն դրամ (3,847 $), 7 տոկոսով գերազանցելով 1989 թվականի նմանատիպ ցուցանիշը: Նախարարի խոսքերով, շուկայական տնտեսության անցնելուց հետո առաջին անգամ հանրապետությունը կգերազանցի Խորհրդային շրջանի իր իսկ ցուցանիշները: «Ըստ ամենայնի, Հայաստանը կդառնա հետխորհրդային տարածքի առաջին երկիրը, որը կգերազանցի 1989 թվականին գրանցված ՀՆԱ-ն»,-նշել է Վարդան Խաչատրյանը: Ինչպես տեղեկացրել է նախարարը, բնակչության մեկ շնչին հասնող ՀՆԱ-ն մինչեւ 2005 թվականի վերջը կկազմի $1186, ինչը ավել է 2000 թվականի նմանատիպ ցուցանիշից 2,4 անգամ: ՀՆԱ-ի 15,7 տոկոսը կկազմի կապիտալ շինարարությունը: Բնակչության դրամական եկամուտների աճը, ըստ նրա կանխատեսման, կկազմի 15 տոկոս: