ՀՀ սփյուռքի նախարար Հրանուշ Հակոբյանն այսօր ընդունել է «Երաժշտական Հայաստան» ծրագրի մասնակիցներին:
Ինչպես PanARMENIAN.Net-ին հաղորդում են սփյուքի նախարարության լրատվական ծառայությունից, ծրագիրն իրականացվում է Հայկական բարեգործական ընդհանուր միության (ՀԲԸՄ) կողմից` Մայր Հայրենիքում սփյուռքահայ երիտասարդությանը հաղորդակից դարձնելու հայ մշակութային և երաժշտական ժառանգությանը:
Ծրագրի մասնակից սփյուռքահայ երիտասարդ երաժիշտները հայրենի երաժիշտների ու մասնագետների ղեկավարությամբ հետևելու են վարպետության դասընթացների, ինչպես նաև լսելու են հայկական երաժշտարվեստի տարբեր ճյուղերի մասին դասախոսություններ: