Իրանը կարծում է, որ ՄԱԿ-ի հատուկ դեսպանորդ Քոֆի Աննանի խաղաղապահական առաքելության ձախողմանը նպաստեց մի շարք երկրների` Սիրիայի ներքին գործերին միջամտելու փաստը, հաղորդում է Reuters-ը` հղելով Իրանի ԶԼՄ-ներին:
Այն մասին, որ Աննանը չի երկարաձգելու իր մանդատը, հայտնի է դարձել օգոստոսի 2-ին:
Իրանական ԱԳՆ պաշտոնական ներկայացուցիչ Ռամին Մեհմանպարաստը հայտարարել է, որ որոշ պետություններ դժգոհ էին Աննանի գործունեությամբ, որն ուղղված էր Սիրիային զենք մատակարարելը և այնտեղ ահաբեկչական գործունեությունը դադարեցնելուն:
Սիրիայում զինված հակամարտությունը նախագահի ռեժիմի կողմնակիցների և ընդդիմության միջև շարունակվում է 1 տարուց ավել: Այս ընթացքում, ըստ ՄԱԿ-ի տվյալների, երկրում զոհերի թիվը գերազանցում է 16 հազարը: