Լոս Անջելեսի քաղաքային խորհուրդը որոշել է հայերեն, ռուսերեն և պարսկերեն լեզուներն աստիճանաբար ներառել լեզուների ցուցակում, որոնք օգտագործվում են քաղաքային ընտրությունների ժամանակ: «Այդ լեզուներով ընտրաթերթիկներ չեն տպվի, քանի որ դա շատ թանկ կարժենա: Բայց քաղաքապետարանը կդիմի տարբեր համայնքներին, որպեսզի նրանք կարողանան տրամադրել այդ լեզուներն իմացող մարդկանց, ովքեր կկարողանան թարգմանել ընտրությունների հետ կապված տեղեկատվությունը»,- գրում է Contra Costa Times թերթը: Այդ նախագիծը պլանվորվում է իրագործել 2015-ին:
Իր հերթին, խորհրդական Պոլ Կրեկորյանը հայտարարել է, որ հայոց լեզուն քաղաքում ամենաշատ օգտագործվող լեզուն է անգլերենից, իսպաներենից և կորեերենից հետո, հաղորդում է Nouvelles d'Arménie-ն: