Ինչպես հաղորդում են բրիտանական ԶԼՄ-ները, երեկ հրդեհ է բռնկվել Նոր Զելանդիայի հավաքականի «Օլիմպիական տանը», որը գտնվում է Լոնդոնի կենտրոնում: Մարզիկների կողմից բաց հարթակում խորոված պատրաստելու ընթացքում պայթյունի հետևանքով հրդեհ է բռնկվել:
Հրշեջները տարհանել են շուրջ 700 հոգու և չեզոքացրել կրակը:
Միջադեպը տեղի է ունեցել նորզելանդական պատվիրակության կողմից կազմակերպված հանդիսավոր միջոցառման ժամանակ, որտեղ հավաքվել են մի քանի հարյուր հոգի: Ինչպես ենթադրում է ոստիկանությունը, որը հետաքննում է միջադեպը, հրդեհն առաջացել է գազի բալոնների պայթյունի հետևանքով, որոնք օգտագործվել են խորովածի պատրաստման ժամանակ: Ըստ ունեցած տեղեկատվության, տուժածներ չկան:
Միջադեպից հետո շենքը փակել են, բայց բացառված չէ, որ այն կբացվի 2012-ի Օլիմպիադայի փակման արարողության ժամանակ: