Սիրիայում ազգային հաշտեցման հնարավորություններ առայժմ կան: Այս մասին հայտարարել է ՌԴ ԱԳ նախարար Սերգեյ Լավրովը` Սիրիայի փոխվարչապետ Քադրի Ջամիլի ղեկավարությամբ սիրիական կառավարական պատվիրակության ներկայացուցիչների հետ հանդիպման արդյունքում, հաղորդում է ՌԻԱ Նովոստին:

Սերգեյ Լավրովն ընդգծել է, որ կան Սիրիայում հակամարտության խաղաղ կարգավորման բազմաթիվ հակառակորդներ` ինչպես երկրի ներսում, այնպես էլ` դրա սահմաններից դուրս: Նա հիշեցրել է, որ Մոսկվան կողմ է սիրիական իրավիճակի կարգավորման ժնևյան սկզբունքների կիրառմանը, ըստ որոնց պետք է դադարեցվի բռնությունը և քաղաքական երկխոսություն սկսվի: