Թուրքիան կցանկանար, որպեսզի Հայաստանն ու Ադրբեջանը բանակցություններ անցկացնեին Ստամբուլում, նախօրեին լրագրողներին է հայտնլ Թուրքիայի ԱԳ նախարար Ահմեդ Դավութօղլուն, շաբաթ օրը հաղորդում է Star պարբերականը:
Ըստ նրա, Անկարան վարում է տարածաշրջանային հակամարտությունների կարգավորման քաղաքականություն, ինչի կապակցությամբ Թուրքիան վերածվել է տարածաշրջանի առաջատարի:
«Կցանկանայինք, որ Սիրիայի վերաբերյալ բանակցություններն ընթանային Թուրքիայում: Ցանկանում ենք, նաև, որ Հայաստանի և Ադրբեջանի միջև հանդիպումները ևս անցկացվեն Ստամբուլում»,-ասել է Դավութօղլուն: