Հայաստան-Չինաստան հանդիպման հաշիվը 1:1 է: Այսօր Ստամբուլում շարունակվում են խաղարկվել Շախմատի Համաշխարհային Օլիմպիադայի 7-րդ տուրի պարտիաները:
Հայ շախմատիստներից իր պարտիան ավարտվել է Վլադիմիր Հակոբյանը: Նա միավորներ է կիսել Լիրեն Դինգի հետ: Շախամտիստները 31-րդ քայլին պարտիան ավարտել են ոչ ոքի:
Մինչ այդ Հայաստանի հավաքականի առաջին համար Լևոն Արոնյանը սև խաղաքարերով ոչ ոքի էր խաղացել Հաո Վանգի հետ:
Սերգեյ Մովսիսյան-Յուե Վանգ և Գաբրիել Սարգսյան-Քսինգժի Բու պարտիաները դեռևս շարունակվում են: Հայ շախմատիստները խաղում են սպիտակ խաղաքարերով:
Օլիմպիադայում աշխարհի չեմպիոնները` հայ շախմատիստները շարունակում են վստահորեն հանդես գալ: Հայաստանի հավաքականը հաղթանակ է տարել Բոլիվիայի, Բանգլադեշի, Իսպանիայի, Ֆիլիպինների և Ուկրաինայի հավաքականների նկատմամբ, ապա միավորներ է կիսել Ռուսաստանի հավաքականի հետ:
