«Հունգարիան առհասարակ երկիր չէ, մի աննշան կետ քարտեզի վրա»,- Russia.ru-ին տված հարցազրույցում հայտարարել է գրող Էդուրադ Բագիրովը: Գրողին ամենաշատը վիրավորում է այն, որ Սաֆարովին, ով գիշերը սողոսկել է քնած մարդու սենյակ և կացնահարել նրան, դարձրել են հերոս, ադրբեջանցիների պարծանք:
«Իմ ազգը նման պարծանք ունենալ չի կարող: Ես դա անգամ քաջագործություն էլ չեմ համարում: Տղամարդու պես վեր կենայիր, գնայիր մարտադաշտ կռվեիր: Իսկ նա մեկնել է Եվրոպա, մտել քնած մարդու սենյակ և կացնահարել վերջինիս: Սա ոչ մի հերոսություն էլ չէ: Եվ այն, որ նրան այժմ Ադրբեջանում հերոսացնում են, ինձ` որպես մարդու, վիրավորում և նվաստացնում է: Դա ուղղակի սարսափելի է»:
Նա նշել է նաև, որ կան ադրբեջանցիներ, ովքեր «հայ» բառին ինչ-որ անմարդկային, կենդանական արձագանք են տալիս: Ըստ Բագիրովի, դա իր համար շարունակում է ֆենոմեն մնալ: