Հայաստանն ու ԵՄ-ն արդեն 2013-ի ավարտին կմոտենան Ասոցացման մասին համաձայնագրի ստորագրմանը: Այդ մասին լրագրողներին է հայտնել Հայաստանի Ազգային անվտանգության խորհրդի քարտուղար Արթուր Բաղդասարյանը:
Ըստ նրա, երեք օրա առաջ հրապարակվեց Հայաստան-ԵՄ նոր ճանապարհային քարտեզը, որտեղ ներկայացված են համատեղ գործողությունները: «Փաստաթղթում ընդհանուր առմամբ դրական են գնահատվում Հայաստանում իրականացվող բարեփոխումները, և մենք կարող ենք ընդհուպ մոտենալ Ասոցացման մասին համաձայնագրի ստորագրմանը արդեն 2013 թվականին»,-ասել է նա:
2010 հուլիսին Երևանում մեկնարկել են Հայաստան-ԵՄ Ասոցացման մասին բանակցությունները, որոնք պետք է փոխարինեն գործող Համաձայնությունը գործընկերության ու համագործակցության մասին: Հայաստան-ԵՄ ասոցացման մասին համաձայնագիրն ուղղված կլինի տարբեր ոլորտներում Հայաստանի ու Եվրամիության հարաբերությունների խորացմանը, մասնավորապես, արտաքին քաղաքականության, ժողովրդավարության, տնտեսական ինտեգրման, մարդկանց տեղաշարժի, էներգետիկայի հարցերում:
